Der Odenwälder Shanty Chor begrüsst seine Gäste!
Ahoi, liebe Freunde des trockenen Gesangs!
Wir freuen uns sehr, dass ihr hierher gefunden habt. Hier darf
man nölen, sich austauschen, sich ein Lied wünschen (natürlich
passiert dann nix!) und vor allem seiner Begeisterung über den
Chor Luft machen. Positiv oder negativ? Egal! Wir freuen uns über FAST jeden
Kommentar auf unserer Facebookseite:
https://de-de.facebook.com/odenwaeldershantychor
Hier noch einige ältere Einträge aus unserem (prähistorischen) Gästebuch
- Eintrag Nr.: 961
Name : Armin
[Geschrieben am 04. Juli 2007]
Vun do bin isch:
Bräischboch
Des mon isch:
Guure, es dut me als Bräischbocher im Herz wäi, wonn isch bei eisch Grummboch als e wischdisch Dorf lääse muss, äwwe no ja, Ihr seid uff jeden Fall klasse. wann mer ohwens bei uns in de kneib sitze, beim Guiness, Grohe orre Ebbelwoi schnorchele, lesst sichs uff Eier Musik hervorragend mitgröhle un rimwoaxele ach bei iwwer 2,0 Attü im Knorrn. Weire sou! - Eintrag Nr.: 960
Name : Kerstin
[Geschrieben am 03. Juli 2007]
Vun do bin isch:
WhmDes mon isch:
ICH!Shanty Chor antwortete:
Isch auch! - Eintrag Nr.: 959
Name : Annemarie Lissé
[Geschrieben am 30. Juni 2007]
Vun do bin isch:
kolmbachDes mon isch:
welle von eich is a lehrerin??^^ Annemarie Lissé - Eintrag Nr.: 958
Name : Karl-Heinz
[Geschrieben am 23. Juni 2007]
http://howisch immer noch ned
Vun do bin isch:
WuerzburgDes mon isch:
Aha, isch hob sou e bissje Eier Houmpeitsch doischgelaese, un jedzd howisch a Idee was lous is. Owwer sou rischdisch wisse waas isch noch immer nix. Jedenfalls winsch isch Eisch feel Glick mid Eierm singe. Un donke faer des veele Ourewaellerisch uff Eierer Homepeitsch. Wenn oner sou long unner Neescher laebd wie isch don iss des wie e Geschenk vum Himmel. Trinkt schei eiern Ebbelwoi damid die Stimmbender geschmeerd bleiwe und essd odendlisch Handkees mit Musik damid er aach genung Wind zum singe hobd. Un hold mer die Ourewaeller Fahn houch damid kaaner saache kann es geb uns nimmer. Un isch werd moie mid dennene Neescher Ourewaellerisch redde damid die aa a bissje Kuldur grigge. Beschde Griis vun Afrika - Eintrag Nr.: 957
Name : Karl-Heinz
[Geschrieben am 23. Juni 2007]
http://howisch ned
Vun do bin isch:
geborn in Wuerzbursch - uffgewachse in WilmshauseDes mon isch:
Woss isch mon des waas isch ned weil waas isch neddemol um wosses bei Eisch eigendlisch geid. Isch bin roin zufaellisch hier gelond un fraa misch dasses noch welsche gibt mid denne mer Babbele kon. Un weil isch schun eewisch in Afrika wohn howwisch Luschd e bisje Ourewaellerisch zu babbele. Un weil isch ned waas um wosses eigendlisch bei Eisch geid erzaehl isch Eisch oofach was mer voar a poar Daach bassierd iss. Isch werd eisch die Geschischd aa uff Ourewaellerisch verzeile. Weil noa uff Ourewaellerisch kann ma sisch sischer soi dass ma aa rischdisch veschdonne werd. Wenn’e mers ned glaabd dann froochd emol en olde Babbilonier. Die howe all midenonner geredd ower kaaner hod des gebabbel vum onnere verschdonne. Dodran hod sisch weenisch geaennerd in de Weld. Also, jedzd die Geschischd vum Leobard. Isch bin om Sundaach in de Gadde un hob Uugraud ausem Raase geholld. Die Dinger sin owa sou dassde se noe siischd wennde mitde Naas uffem Borrem bischd. Also knii isch misch hii, unn schieb moi Brommbel iwwers Graas damid mer a jo kaaner dosch die Masche schlibbt. Imma sou middem Hinnern in de Luffd – un des fer a poar Schdund. Eiendwann deng isch sou bei mae das des eigendlisch reschd schmagghaffd fer de Leobard aussehe missd. Filleischd dengder isch wear en komische Bogg oder ebes. Odde er dengt isch bin am abgradze und er muss sisch beeile. Uff jeden fall werda eiendwann hungrisch gugge. Sou gans woohl iss mers bei denne Gedange ned. (Er misst wisse dass sisch bei mer allerhond Vischzeisch rumtreibd. Schliesslisch laeb isch in Afrika. Un en grousse Gaul howisch schon on den Leobard verlorn.) Isch hob feel gedachd do uffem Raase. Weil mer Ourewaeller sin aa Filosoofe un ned fun de schleschsde Sordd wier wissd. Die Weld waas des nor ned weil die kenne ned mid uns midholde. Isch deng graad were sou iwwer den Leobard nooch, da schbier isch doch aa schunn – ea werds mea nedd glaawe – da schbier isch wie mer soi gralle in de Rigge fahrn. Aeschd gonz leischd als ob er sich ned sischer wer, ower dann hodder zugepaggt das mers gans flabberisch im Maache gewodde iss. Do deng isch – jetzt hodder misch, jedzd werds zabbeduschder. Ower onschdad das isch wie en guure Grischd moi ledschd Gebaed uffsoog spring isch wie vun de Darandula geschdoche uff un foar rumm wie fumm Leibhaffdische gedrewwe. Ea hed misch saehe solle !!! Un obwohl mers ganz bliemmerand iss waas isch doch glei wie die Sach schdeed. Do woa goar kaan Leobard. Noe sou a klaa Fechelsche is uff en defuu gefloche. Un des woar minschdens sou erschrogge wie isch aa. Do howisch doch schunn werre lache misse. Ower a bissje mulmisch is mers jedsd doch wenn isch middem Hinnern in de Luffd iwwern Raase griisch. Beschde Griis vuneme ex Ourewaeller (Isch hoff de Ourewald schteid noch un dasses aa noch Kaeschbaam gibd. Menschenskinner wor des Kaescheatripse schei. Unn sou monsches onnere aa.)Shanty Chor antwortete:
Ei Kallhoinz, unnerschätz ma die Fechelscha net! Denn wie jeda waas - sogar die Ourewälla - sin des die Nochfahre funn de Saurier. Du konnsch also mit Fug un Reschd behaubde, dass der än afrigoanische Saurier uff'm Buggl rumgedonst is - alda Schlabbe!